ٹرمپ اور عراقی وزیراعظم علی الزیدی کی ملاقات، تیل اور سرمایہ کاری میں تعاون بڑھانے پر اتفاق

وائٹ ہاؤس میں امریکی صدر ڈونلڈ ٹرمپ نے عراقی وزیراعظم علی الزیدی سے ایک اہم ملاقات کی ہے، جس میں دوطرفہ تعلقات کی مضبوطی، توانائی کے شعبے میں تعاون اور اقتصادی روابط کو وسعت دینے پر تفصیلی تبادلہ خیال کیا گیا۔ ملاقات کے بعد گفتگو کرتے ہوئے امریکی صدر ڈونلڈ ٹرمپ نے کہا کہ واشنگٹن اور بغداد کے سفارتی و معاشی تعلقات مزید مستحکم ہوں گے اور دونوں ممالک کے درمیان خاص طور پر تیل کے شعبے میں جلد ہی ایک بڑے تعاون کا آغاز متوقع ہے۔ صدر ٹرمپ نے انکشاف کیا کہ عراقی وزیراعظم کے ایک سیاسی حریف کو ان کے واشنگٹن مخالف مؤقف کی وجہ سے امریکی حمایت حاصل نہیں تھی، جبکہ انہوں نے یہ دعویٰ بھی کیا کہ علی الزیدی کے وزیراعظم بننے کے عمل میں انہوں نے خود بھی ذاتی دلچسپی لی تھی۔ اس موقع پر عراقی وزیراعظم علی الزیدی کا کہنا تھا کہ امریکی کمپنیاں عراقی مارکیٹ میں سرمایہ کاری اور تجارتی سرگرمیوں کے لیے جلد داخل ہوں گی، جس سے دونوں ممالک کے مابین اقتصادی شراکت داری کو نئی جلا ملے گی