حملے عارضی طور پر روکے، مذاکرات ناکام ہوئے تو فوجی کارروائی ہوگی: ٹرمپ

امریکی صدر ڈونلڈ ٹرمپ نے انکشاف کیا ہے کہ ایران پر ممکنہ امریکی حملے عارضی طور پر روک دیے گئے ہیں، تاہم اگر جاری مذاکرات ناکام ہوئے تو شدید فوجی کارروائی کی جائے گی۔ امریکی جریدے ‘ایگزیوس’ کو دیے گئے ایک انٹرویو میں صدر ٹرمپ نے بتایا کہ آبنائے ہرمز اور جوہری معاہدے کے حوالے سے سفارتی بات چیت جاری ہے، جس میں پاکستان، عمان، قطر اور مصر جیسے ثالث ممالک فعال کردار ادا کر رہے ہیں۔ انہوں نے کہا کہ ثالث ملکوں کی اپیل پر حملے مؤخر کرنے سے عالمی منڈی میں تیل کی قیمتیں کم ہوئی ہیں اور امریکی اسٹاک مارکیٹ میں بہتری آئی ہے۔ ٹرمپ نے دعویٰ کیا کہ اگر وہ نہ ہوتے تو ایران اب تک ایٹمی طاقت بن چکا ہوتا۔ واضح رہے کہ اس بیان کے ساتھ ہی وائٹ ہاؤس میں امریکی صدر کی اسرائیلی وزیراعظم بنیامین نیتن یاہو سے اہم ملاقات بھی متوقع ہے جس میں ایران اور غزہ پر تفصیلی تبادلہ خیال کیا جائے گا۔