ٹرمپ نے لبنان کیلئے براہ راست امریکی پروازیں بحال کرنے کی منظوری دے دی

امریکی صدر ڈونلڈ ٹرمپ نے کئی دہائیوں سے معطل شدہ لبنان کے لیے براہِ راست امریکی پروازیں بحال کرنے کی منظوری دے دی ہے۔ اپنے سوشل میڈیا پلیٹ فارم “ٹروتھ سوشل” پر جاری بیان میں صدر ٹرمپ نے بتایا کہ لبنانی صدر جوزف عون سے ملاقات کے بعد انہوں نے انتظامیہ کو ہدایت کی ہے کہ تمام امریکی ایئر لائنز کو لبنان کے لیے پروازوں کی اجازت دی جائے تاکہ امریکی شہری آسانی سے وہاں کا سفر کر سکیں۔ دوسری جانب، لبنان کے وزیراعظم نواف سلام نے اس فیصلے کا خیرمقدم کرتے ہوئے کہا ہے کہ اس اقدام سے دونوں ممالک کے درمیان سفری روابط بہتر ہوں گے اور لبنانی معیشت کو بھی زبردست تقویت ملے گی