لاہور پولیس ٹارگٹ کلرز کی زد میں، اہلکاروں کو ہر وقت مسلح رہنے کی ہدایت

ڈی آئی جی آپریشنز لاہور فیصل کامران نے پولیس افسران اور جوانوں پر ٹارگٹ کلرز کے ممکنہ حملوں کے خطرے کے پیش نظر تمام اہلکاروں کو ہمہ وقت الرٹ اور مسلح رہنے کی سخت ہدایات جاری کر دی ہیں۔ ایک آڈیو پیغام میں ڈی آئی جی آپریشنز نے واضح کیا کہ لاہور پولیس پر حالیہ دو حملوں کے بعد تمام اہلکاروں کے پاس اسلحہ ہونا لازمی ہے؛ جن کے پاس سرکاری پسٹل نہیں وہ نجی اسلحہ اپنے پاس رکھیں۔ انہوں نے ہدایت کی کہ اگر پولیس پر دوبارہ کسی قسم کا حملہ ہوتا ہے تو اہلکار فوری اور بروقت جواب کارروائی کریں، اور اس حوالے سے جوان بلاجواز یا فوری دفاعی اقدام کر سکتے ہیں۔ آڈیو پیغام کے مطابق موجودہ صورتحال میں کسی قسم کی انکوائری نہیں کی جائے گی اور یہ تمام احکامات رات 12 بجے کے بعد سے تا حکمِ ثانی نافذ العمل ہوں گے۔