کولمبیا میں فوجی طیارہ گر کر تباہ، 125 افراد سوار تھے، 77 کو بچا لیا گیا

کولمبیا میں ایک فوجی طیارہ، جس میں 125 افراد سوار تھے، گر کر تباہ ہو گیا۔ ابتدائی رپورٹس کے مطابق طیارے کے حادثے میں ایک شخص ہلاک ہوا جبکہ 77 افراد کو محفوظ ریسکیو کر لیا گیا ہے، اور دیگر کی تلاش جاری ہے۔

کولمبین ائیر فورس کے کمانڈر کے مطابق طیارے میں 114 مسافر اور عملے کے 11 افراد سوار تھے، جن میں اکثریت فوجیوں کی تھی۔ طیارہ کولمبیا کے جنوبی ایمیزون ریجن سے پرو کی سرحد کے قریب روانہ ہوا تھا اور حادثہ مصروف شہری علاقے سے تقریباً دو میل فاصلے پر پیش آیا۔

حادثے کی وجوہات معلوم کرنے کے لیے تحقیقات شروع کر دی گئی ہیں۔ کولمبیا کے صدر گسٹاوو پیٹرو نے حادثے پر افسوس کا اظہار کرتے ہوئے کہا کہ فوجی طیاروں کے جدید بنانے کے منصوبے میں مزید تاخیر نہیں ہونے دی جائے گی۔