انمول عرف پنکی کی نشاندہی پر کراچی سے 45 لاکھ روپے مالیت کی کوکین برآمد
Web Desk
15 May 2026
کراچی پولیس نے ’کوکین کوئین‘ کے نام سے معروف ملزمہ انمول عرف پنکی کی نشاندہی پر ابوالحسن اصفہانی روڈ پر واقع ایک کمپلیکس میں بڑی کارروائی کرتے ہوئے بھاری مقدار میں کوکین برآمد کر لی ہے۔پولیس ذرائع کے مطابق دورانِ تفتیش ملزمہ انمول عرف پنکی نے منشیات کی موجودگی کے حوالے سے اہم انکشافات کیے تھے۔ ملزمہ کی نشاندہی پر پولیس نے خواتین اہلکاروں کے ہمراہ ابوالحسن اصفہانی روڈ پر واقع اے ون کمپلیکس کے ایک فلیٹ پر چھاپہ مارا۔ فلیٹ کو تالا لگا ہوا تھا، جسے توڑ کر پولیس اندر داخل ہوئی۔ تلاشی کے دوران باتھ روم سے تھیلیوں میں چھپائی گئی 228 گرام کوکین برآمد ہوئی، جس کی عالمی مارکیٹ میں مالیت 45 لاکھ روپے سے زائد بتائی جا رہی ہے۔ موقع سے منشیات کی سپلائی کے لیے استعمال ہونے والی 7 خالی ڈبیا بھی برآمد کی گئی ہیں۔ پولیس نے ملزمہ کے خلاف سچل تھانے میں نیا مقدمہ (نمبر 783/26) درج کر لیا ہے۔ یہ مقدمہ اسٹیشن انویسٹی گیشن افسر (SIO) بغدادی، مثل خان کی مدعیت میں درج کیا گیا ہے۔ ایف آئی آر کے مطابق ملزمہ نے اعتراف کیا ہے کہ وہ اس فلیٹ کو منشیات ذخیرہ کرنے کے لیے استعمال کر رہی تھی۔
پولیس اب اس نیٹ ورک کے دیگر کارندوں اور خریداروں تک پہنچنے کے لیے تفتیش کا دائرہ وسیع کر رہی ہے۔
متعلقہ عنوانات
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026