وزیراعلیٰ سندھ کی ایرانی قونصل خانے آمد، ایرانی قیادت کی شہادت پر اظہارِ تعزیت

وزیراعلیٰ سندھ سید مراد علی شاہ نے ایرانی قونصل خانے جا کر قونصل جنرل اکبر عیسیٰ زادہ سے ملاقات کی۔ وزیراعلیٰ کے ہمراہ صوبائی وزیر بلدیات سید ناصر حسین شاہ بھی موجود تھے۔

مراد علی شاہ نے ایران کے سپریم لیڈر آیت اللہ علی خامنہ ای اور دیگر رہنماؤں کی شہادت پر دلی تعزیت پیش کرتے ہوئے کہا کہ “اس عظیم سانحے پر سندھ حکومت اور پاکستان کے عوام اپنے ایرانی بھائیوں کے غم میں برابر کے شریک ہیں”۔ انہوں نے مزید کہا کہ ایران اور پاکستان کے رشتے تزویراتی سرحدوں سے بالاتر اور نظریاتی بنیادوں پر استوار ہیں۔