سندھ حکومت کا تھرپارکر کو آفت زدہ ضلع قرار دینے کا فیصلہ

وزیرِ اعلیٰ سندھ سید مراد علی شاہ نے شدید خشک سالی کا شکار ضلع تھرپارکر کو باضابطہ طور پر ‘آفت زدہ ضلع’ قرار دینے کا فیصلہ کرتے ہوئے متاثرہ عوام کو فوری ریلیف کی فراہمی اور ہنگامی اقدامات کی ہدایت کر دی ہے۔

کراچی میں ہونے والے اجلاس کے دوران وزیراعلیٰ سندھ کو دی گئی بریفنگ میں بتایا گیا کہ ستمبر 2026 میں تھرپارکر کے تمام 7 تعلقوں میں صرف ایک سے 36 ملی میٹر تک غیر متوازن بارشیں ریکارڈ کی گئیں، جس کی وجہ سے فصلیں اور قدرتی گھاس پکنے سے پہلے ہی سوکھ گئی ہیں۔ شعبہ زرعی توسیع کے مطابق 85 سے 90 فیصد تک فصلیں مکمل طور پر تباہ یا غیر پیداواری ہو چکی ہیں جس سے علاقے میں قحط سالی جیسی صورتحال پیدا ہو گئی ہے۔

وزیراعلیٰ سندھ مراد علی شاہ نے صوبائی حکام کو تھرپارکر میں پینے کے صاف پانی کی فراہمی ہر صورت یقینی بنانے، تمام غیر فعال آر او (RO) پلانٹس کی فوری مرمت اور دیگر ذرائع کی بحالی کا حکم دیا ہے۔ انہوں نے چیف سیکرٹری کو ہدایت کی کہ نوکوٹ سے مٹھی تک پینے کے پانی کی پائپ لائن بچھانے کی فزیبلٹی رپورٹ تیار کی جائے اور مویشیوں کے لیے چارے و حفاظت سے متعلق تجاویز پیش کی جائیں۔ وزیراعلیٰ نے عزم ظاہر کیا کہ سندھ حکومت اس مشکل گھڑی میں تھر کے غریب اور متاثرہ عوام کو تنہا نہیں چھوڑے گی۔

سندھ حکومت کا تھرپارکر کو آفت زدہ ضلع قرار دینے کا فیصلہ

Web Desk

متعلقہ عنوانات

تربیلا ڈیم خرابی: حفاظتی اقدامات کے تحت ٹنل نمبر 5 میں آمد و رفت بند

سہیل آفریدی کی بازیابی کیلئے وفاقی آئینی عدالت میں درخواست دائر

صوبائی حکومتوں کی عالمی سرمایہ کاروں کو معدنی شعبے میں سرمایہ کاری کی دعوت

پاکستان منرلز فورم: معدنیات کو خام شکل میں برآمد کرنا مقصد نہیں، اسحاق ڈار

نائیجیریا پولو ورلڈ کپ کوالیفائرز میں پاکستان نے ایران کو شکست دیدی

سعودی عرب اور حرمین شریفین کی سلامتی پاکستان کی اولین ترجیح ہے: ترجمان پاک فوج

گلگت بلتستان کی ترقی کیلئے وفاقی حکومت ہر ممکن تعاون کرے گی: محسن نقوی