وزیراعلیٰ مریم نواز کا ثقافتی ورثے کے تحفظ کے عزم کا اعادہ
Web Desk
21 May 2026
وزیراعلیٰ پنجاب مریم نواز شریف نے ثقافتی ورثے کے تحفظ اور صوبے کے روایتی ہنرمندوں کی سرپرستی کے عزم کا اعادہ کیا ہے۔ ’عالمی یومِ ثقافتی تنوع برائے مکالمہ و ترقی‘ کے موقع پر اپنے خصوصی پیغام میں وزیراعلیٰ پنجاب کا کہنا تھا کہ اس دن کو منانے کا اصل مقصد ثقافتی تنوع، باہمی مکالمے اور ترقی سے متعلق عوامی شعور کو بیدار کرنا ہے، اور وہ تمام افراد قابلِ تحسین ہیں جو تہذیب و ثقافت اور مشترکہ ورثے کی اہمیت کا گہرا شعور رکھتے ہیں۔
مریم نواز شریف نے ملک کی ثقافتی زرخیزی پر بات کرتے ہوئے کہا کہ پاکستان مختلف اور متنوع ثقافتوں، زبانوں، لافانی روایات اور اعلیٰ اقدار کا خوبصورت مرکز ہے؛ یہ ثقافتی تنوع ہماری قومی شناخت اور عظیم تہذیبی ورثہ ہے۔ انہوں نے واضع کیا کہ ثقافتوں کا یہ تنوع معاشرے میں اتحاد و یگانگت، مثبت سماجی اقدار، برداشت، اور بین المذاہب و بین الثقافتی ہم آہنگی کو فروغ دینے میں کلیدی کردار ادا کرتا ہے۔
ان کا مزید کہنا تھا کہ پنجاب کا منفرد اور متنوع ثقافتی ورثہ ہی دنیا بھر میں اس صوبے کی اصل پہچان ہے، اور اس مقصد کے لیے محکمہ اطلاعات و ثقافت پنجاب صوبہ بھر میں ثقافتی ورثے کے تحفظ اور اس کی ترویج کے لیے مستقل سرگرمِ عمل ہے۔ وزیراعلیٰ نے حکومت کی ترجیحات کا ذکر کرتے ہوئے کہا کہ ثقافت کا تحفظ، مقامی ہنرمندوں اور تخلیقی کاروں کی سرپرستی ہماری حکومت کی اولین ترجیحات کا حصہ ہے، اور ہمارا پختہ عزم ہے کہ پنجاب کے روایتی ہنرمندوں اور دستکاروں کو ملکی و بین الاقوامی مارکیٹوں تک براہِ راست رسائی فراہم کی جائے تاکہ ہماری ثقافت دنیا بھر میں مزید روشناس ہو سکے۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026