سہیل آفریدی اور اسد قیصر کی ملاقات، بانی پی ٹی آئی کی رہائی سمیت اہم امور پر تبادلہ خیال

وزیراعلیٰ خیبرپختونخوا محمد سہیل آفریدی اور سابق سپیکر قومی اسمبلی اسد قیصر کے درمیان اہم ملاقات ہوئی ہے، جس میں بانی پی ٹی آئی عمران خان اور بشریٰ بی بی سمیت تمام سیاسی قیدیوں کی رہائی، آئین و قانون کی بالادستی، اور ملک میں جمہوریت و پارلیمانی نظام کے استحکام کے لیے مشترکہ جدوجہد کا عزم دہرایا گیا।

ملاقات میں اسلام آباد میں ‘تحریک تحفظ آئین پاکستان’ کے اہم اجلاس کا انعقاد کرنے اور آئندہ کے لائحہ عمل کی منظوری کا فیصلہ کیا گیا۔ وزیراعلیٰ سہیل آفریدی نے تمام صوبوں اور خطوں (پنجاب، سندھ، بلوچستان، آزاد کشمیر اور گلگت بلتستان) کے دورے کرنے اور سیاسی قیادت سمیت وکلاء، طلبہ، کسانوں اور مزدوروں کے جرگے منعقد کر کے عوامی رابطہ مہم شروع کرنے پر اتفاق کیا۔