چینی کوسٹ گارڈ نے پانی کی توپ چلا کر متنازع پانیوں میں فلپائنی جہاز کے داخلے کی کوشش ناکام بنادی

جنوبی چین کے متنازع سمندری علاقے میں چینی کوسٹ گارڈ نے واٹر کینن (پانی کی توپ) کا استعمال کرتے ہوئے فلپائنی جہاز کے داخلے کی کوشش ناکام بنا دی اور اسے واپس بندرگاہ کی طرف لوٹنے پر مجبور کر دیا۔ امریکی میڈیا (سی این این) کے مطابق واقعے کے وقت ان کی رپورٹنگ ٹیم بھی فلپائنی جہاز پر موجود تھی، جس نے اس تمام پیش رفت کی ویڈیو ریکارڈ کی۔

فلپائن کی جانب سے جاری کردہ بیان میں دعویٰ کیا گیا ہے کہ ان کا جہاز متنازع علاقے میں موجود مقامی ماہی گیروں کو ایندھن فراہم کرنے کے امدادی مشن پر روانہ تھا۔

دوسری جانب، چین کی وزارتِ خارجہ کے ترجمان نے فلپائنی موقف کو رد کرتے ہوئے کہا کہ فلپائنی جہازوں نے چینی کی حدود میں غیر قانونی طور پر داخل ہونے کی کوشش کی تھی، جس پر چینی کوسٹ گارڈ نے اپنے ملکی قوانین اور بین الاقوامی طریقہ کار کے مطابق ضروری اور قانونی اقدامات کیے۔