چین نے امریکا کی جانب سے تحقیقاتی اداروں پر عائد پابندیوں کی مخالفت کر دی

چین نے امریکی محکمہ دفاع کی جانب سے بعض چینی تحقیقی اداروں کو پابندیوں کی فہرست میں شامل کیے جانے پر شدید عدم اطمینان اور سخت مخالفت کا اظہار کیا ہے۔ چین کی وزارتِ تجارت کے ترجمان نے اپنے بیان میں واضح کیا کہ بیجنگ اپنے اداروں کے جائز حقوق اور مفادات کے تحفظ کے لیے تمام ضروری اقدامات کرے گا۔ ترجمان نے امریکہ پر تنقید کرتے ہوئے کہا کہ واشنگٹن مسلسل قومی سلامتی کے تصور کو حد سے زیادہ وسعت دے کر سائنسی تحقیق و تعاون کو سیاسی ہتھیار کے طور پر استعمال کر رہا ہے۔ انہوں نے امریکہ سے مطالبات کیے کہ وہ چینی اداروں کے خلاف بے بنیاد الزامات اور امتیازی پالیسیاں فوری ختم کر کے سائنسی برادری کے لیے منصفانہ اور غیر جانبدارانہ ماحول فراہم کرے۔