چین کا شاہکار: 625 میٹر بلندآبشار پُل، سیاحوں کی توجہ کا مرکز بن گیا

چین کے صوبے گوئی ژو میں زمین کی سطح سے 625 میٹر بلندی پر واقع ‘ہوا جیانگ گرینڈ کینن برج’ نے اپنی منفرد تعمیر اور خصوصیات سے عالمی سطح پر توجہ حاصل کر لی ہے۔ جنوری 2022ء میں شروع ہونے والا یہ عظیم الشان پل ستمبر 2025ء میں باضابطہ طور پر عوام کے لیے کھولا گیا تھا، جس کی تعمیر میں 20 ہزار ٹن اسٹیل استعمال کیا گیا ہے۔ 9 ہزار 482 فٹ طویل اس پل نے دو گھنٹے کے دشوار گزار پہاڑی سفر کو سمو کر صرف ایک منٹ میں بدل دیا ہے۔ چینی حکام نے اسے صرف آمدورفت کا ذریعہ ہی نہیں بلکہ ایک سیاحتی مرکز کے طور پر بھی تیار کیا ہے، جہاں 300 میٹر طویل لیزر لائٹس سے آراستہ مصنوعی آبشار، گلاس واک ویز، برج کیفے اور بنجی جمپنگ جیسی تفریحی سہولیات موجود ہیں جو روزانہ ہزاروں ملکی و غیر ملکی سیاحوں کی توجہ کا مرکز بنی ہوئی ہیں۔