خلیجی ممالک پر ایرانی حملوں سے امریکی افواج کی آپریشنل صلاحیتوں پر کوئی اثر نہیں پڑا، سینٹ کام

امریکی سینٹرل کمانڈ (سینٹ کام) کے ترجمان نے واضح کیا ہے کہ ایران کی جانب سے خلیجی ممالک پر کیے گئے حملوں کے نتیجے میں امریکی افواج کی آپریشنل صلاحیتوں اور تیاریوں پر کوئی عملی اثر نہیں پڑا۔ ‘الجزیرہ عربی’ کو دیے گئے ایک خصوصی انٹرویو میں ترجمان نے بتایا کہ امریکی فوج نے ایران کے اندر میزائل اور ڈرون لانچ کرنے کے فعال ٹھکانوں کو کامیابی سے نشانہ بنایا ہے، جبکہ بندر عباس کے قریبی علاقوں میں ایرانی نگرانی اور ریڈار تنصیبات کو بھی تباہ کیا گیا ہے۔

ترجمان کے مطابق، اس وقت مشرقِ وسطیٰ میں امریکا کے 50 ہزار فوجی موجود ہیں جو کسی بھی قسم کے مشن کو فوری طور پر انجام دینے کے لیے چوبیس گھنٹے الرٹ اور تیار ہیں۔ انہوں نے تہران پر سخت تنقید کرتے ہوئے الزام عائد کیا کہ ایران بلاامتیاز اپنے پڑوسی ممالک کو نشانہ بنا رہا ہے، جس کی وجہ سے خطے کے معصوم شہریوں کی زندگیاں شدید خطرے میں پڑ گئی ہیں