پاکستان کی ثالثی نے دنیا کو امن کی جانب بڑھنے کا راستہ دیا: کینیڈین سیکرٹری آف سٹیٹ

کینیڈین سیکرٹری آف اسٹیٹ جان زیروچیلی (Jean Zerochelli) نے کہا ہے کہ ایران اور امریکہ کے درمیان کشیدگی کے دوران پاکستان نے قیامِ امن کے لیے انتہائی مثبت، سفارتی اور قابلِ قدر کردار ادا کیا ہے۔ دنيا نیوز سے خصوصی گفتگو کرتے ہوئے انہوں نے کہا کہ پاکستان کی ثالثی نے دنیا کو تصادم کے بجائے مذاکرات اور امن کی جانب بڑھنے کا بہترین راستہ فراہم کیا، جسے کینیڈا میں قدر کی نگاہ سے دیکھا جاتا ہے۔

جان زیروچیلی نے پاکستان کی جغرافیائی اہمیت پر روشنی ڈالتے ہوئے کہا کہ پاکستان صرف ایک بڑی مارکیٹ ہی نہیں بلکہ جنوبی و وسطی ایشیا اور مشرقِ وسطیٰ کے درمیان ایک اہم معاشی اور تجارتی راہداری ہے۔ انہوں نے کینیڈا اور پاکستان کے درمیان زراعت، ٹیکنالوجی، توانائی اور دیگر شعبوں میں روایتی تجارت سے آگے بڑھ کر طویل المدتی اقتصادی شراکت داری اور مشترکہ سرمایہ کاری پر زور دیا۔ اس کے علاوہ، انہوں نے علاقائی استحکام اور امن و امان کے قیام کے لیے پاکستان کی سیاسی اور عسکری قیادت کی کاوشوں اور ذمہ دارانہ کردار کی بھی تعریف کی