کینیڈا کے صوبے برٹش کولمبیا میں لگی آگ شدت اختیار کر گئی، ہنگامی حالت نافذ

کینیڈا کے صوبے برٹش کولمبیا کے ضلع سمر لینڈ کے جنگلات میں تیزی سے پھیلتی آگ کے بعد مقامی انتظامیہ نے ہنگامی حالت نافذ کر دی ہے۔ خبر ایجنسی کے مطابق اس شدید وائلڈ فائر نے مغربی کینیڈا کے وسیع علاقے کو اپنی لپیٹ میں لے لیا ہے، جس کے باعث ہزاروں شہریوں کو اپنے گھر بار چھوڑ کر محفوظ مقامات پر منتقل ہونے کے احکامات جاری کر دیے گئے ہیں۔

وائلڈ فائر سروس کی رپورٹ کے مطابق بالڈ رینج کے مقام پر لگنے والی یہ آگ مکمل طور پر قابو سے باہر ہو چکی ہے اور اب تک تقریباً 5 ہزار ہیکٹر سے زائد رقبے کو جلا کر خاکستر کر چکی ہے۔ حکام کا کہنا ہے کہ یہ آگ ابتدائی طور پر سمر لینڈ سے 15 کلومیٹر مغرب میں بھڑکی تھی جو تیز ہواؤں اور خشک موسم کے باعث مسلسل پھیل رہی ہے۔ خطرے کے پیشِ نظر رواں ہفتے ارد گرد کے دیگر اضلاع میں بھی شہریوں کو فوری انخلا کی ہدایت کی گئی ہے۔

Slug (English):