کیلیفورنیا کے گورنر گیون نیوزم کا تاریخی فیصلہ؛ مختلف کاؤنٹیز کے لیے 14 نئے سپیریئر کورٹ ججز کا تقرر

کیلیفورنیا کے گورنر گیون نیوزم نے ریاست کی مختلف کاؤنٹیز کی سپیریئر کورٹس میں 14 ججز کے نئے تقرر کا اعلان کیا ہے۔ ان ججز میں ایل ڈوراڈو، لاس اینجلس اور سان ڈیاگو کاؤنٹی کے لیے عبوری (Interim) تقرریاں بھی شامل ہیں۔ تمام نئے ججز کو سالانہ 244,727 امریکی ڈالر معاوضہ دیا جائے گا۔

گورنر آفس سے جاری کردہ پریس ریلیز کے مطابق، تقرریوں کی تفصیلات درج ذیل ہیں. لاس اینجلس میں تین مستقل اور ایک عبوری جج کا تقرر کیا گیا ہے۔ ان میں آئیرین لی (عبوری)، حارث سید، جینیفر لی اور اسٹیفن میسٹر شامل ہیں، جن کا تعلق ڈیموکریٹک پارٹی سے ہے۔  سان ڈیاگو میں دو مستقل اور ایک عبوری جج کا تقرر ہوا ہے۔ لیاہ بوسیک کو عبوری جج جبکہ برینڈن کیمورا اور ڈیسیرائے سینڈرز کو مستقل جج مقرر کیا گیا ہے۔  اورنج کاؤنٹی کے لیے تھامس فے اور ڈیانا کنگ جبکہ سانتا کلارا کے لیے جیریمی کروگر اور بھانو سداسیون کو جج نامزد کیا گیا ہے۔ دیگر کاؤنٹیز: ایل ڈوراڈو کاؤنٹی میں اسٹيفنی شیرکی کو عبوری جج، سانتا باربرا میں جوان ہیگویرا اور اسٹینسلاؤس کاؤنٹی میں شان دیپ وحید کو سپیریئر کورٹ کا جج مقرر کیا گیا ہے۔ سرکاری بیان میں واضح کیا گیا ہے کہ ان تقرریوں کا مقصد عدالتی نظام کو مزید فعال بنانا اور ججز کی ریٹائرمنٹ یا وفات کے باعث پیدا ہونے والے خالی عہدوں کو فوری طور پر پُر کرنا ہے۔