براڈ پیک حادثہ، 5 نیپالی کوہ پیماؤں کی میتیں اسلام آباد منتقل

گلگت بلتستان میں واقع دنیا کی بارہویں بلند ترین چوٹی براڈ پیک (Broad Peak) پر پیش آنے والے افسوسناک حادثے کے بعد جاری ریسکیو آپریشن میں اہم پیش رفت ہوئی ہے۔ گزشتہ روز پاک فوج کے ایوی ایشن ہیلی کاپٹرز اور زمینی سرچ ٹیموں کے مشترکہ آپریشن کے دوران برآمد کی جانے والی 05 غیر ملکی کوہ پیماؤں کی میتوں کو سکردو سے بذریعہ ہوائی جہاز اسلام آباد منتقل کر دیا گیا ہے۔

یاد رہے کہ 31 جولائی 2026 کو براڈ پیک پر شدید برفانی تودہ (Avalanche) گرنے کے باعث 10 غیر ملکی کوہ پیما لاپتہ ہو گئے تھے، جس کے بعد وسیع پیمانے پر سرچ اینڈ ریسکیو آپریشن کا آغاز کیا گیا تھا۔ اسلام آباد پہنچائے جانے کے بعد ان میتوں کو ضابطے کی کارروائی کے تحت ان کے متعلقہ ممالک کے سفارت خانوں کے سپرد کیا جائے گا، جہاں سے انہیں ان کے آبائی وطن روانہ کیا جائے گا۔ پاک فوج، سول انتظامیہ اور سفارتی حکام اس تمام مرحلے میں باہمی تعاون کے ساتھ امدادی کارروائیاں سرانجام دے رہے ہیں۔