بالی ووڈ میں پیسے دے کر تشہیر کا رجحان بڑھ گیا ،کرن جوہر کا انکشاف

بالی ووڈ کے معروف فلم ساز کرن جوہر نے فلمی صنعت میں بڑھتے ہوئے تشہیری رجحان پر سوال اٹھاتے ہوئے کہا ہے کہ اب پیسے دے کر کروائی جانے والی پبلسٹی بہت زیادہ ہوچکی ہے۔

انہوں نے ایک حالیہ گفتگو میں کہا کہ فنکار اور فلم کی اصل شناخت اس کا کام ہونا چاہیے، مگر موجودہ دور میں دکھاوے اور مصنوعی تشہیر نے اصل معیار کو پس منظر میں دھکیل دیا ہے۔

کرن جوہر کا کہنا تھا کہ اس صورتحال میں یہ جاننا مشکل ہوگیا ہے کہ ناظرین واقعی کس چیز کو پسند کر رہے ہیں اور کیا صرف تشہیری مہمات کے ذریعے مقبول بنایا جا رہا ہے۔

انہوں نے کہا کہ بہترین کام خود اپنی پہچان بناتا ہے، اس لیے فنکاروں کو اپنی توجہ معیار پر رکھنی چاہیے۔

ان کے مطابق فلمی دنیا میں ضرورت سے زیادہ تشہیر ناظرین کے اعتماد کو بھی متاثر کرسکتی ہے۔