بلیو اکانومی گیم چینجر ثابت ہوگی: وزیر خزانہ محمد اورنگزیب

وزیر خزانہ محمد اورنگزیب نے کہا ہے کہ پاکستان کی معیشت درست سمت کی جانب گامزن ہے۔ حالیہ سیلاب کے باعث معیشت وقتی طور پر ضرور متاثر ہوئی، تاہم عالمی معاشی ادارے پاکستان کی معاشی بہتری اور ترقی کی رفتار کو سراہ رہے ہیں۔
انٹرنیشنل میری ٹائم ایکسپو اینڈ کانفرنس سے خطاب کے دوران وزیر خزانہ نے کہا کہ حکومت بلیو اکانومی سے متعلق پالیسی مسائل کے حل کے لیے پرعزم ہے اور اس شعبے کی ترقی پاکستان کے لیے گیم چینجر ثابت ہوگی۔محمد اورنگزیب نے کہا کہ میری ٹائم کانفرنس کا مقصد بیرونی سرمایہ کاروں کو پاکستان کی سمندری معیشت میں سرمایہ کاری کی ترغیب دینا ہے۔ انہوں نے زور دیا کہ ملک کو پائیدار ترقی کے لیے ایکسپورٹس میں اضافہ کرنا ہوگا۔وزیر خزانہ کا کہنا تھا کہ حکومت معاشی استحکام کے لیے بنیادی اصلاحات کے ایجنڈے پر عمل پیرا ہے، اور آنے والے دنوں میں ان اصلاحات کے مثبت نتائج عوام کے سامنے آئیں گے