مکہ معاہدہ سعودیہ، پاکستان اور ترکیے کے محفوظ مستقبل کی ضمانت ہے: بلاول

پاکستان پیپلز پارٹی (PPP) کے چیئرمین بلاول بھٹو زرداری نے پاکستان، سعودی عرب اور ترکیہ کے درمیان طے پانے والے تاریخی ’مکہ مشترکہ دفاعی معاہدے‘ کو ملکی تاریخ کا اہم سنگِ میل قرار دیا ہے۔

سوشل میڈیا پلیٹ فارم ایکس (سابقہ ٹویٹر) پر جاری کردہ اپنے باضابطہ بیان میں بلاول بھٹو زرداری نے کہا کہ مکہ مشترکہ دفاعی معاہدہ ایک غیر معمولی اور تاریخی پیش رفت ہے، جس سے تینوں دوست ممالک کی دفاعی صلاحیتیں مزید مضبوط اور مربوط ہوں گی۔ انہوں نے کہا کہ یہ معاہدہ سعودی عرب، پاکستان اور ترکیہ کے محفوظ اور باوقار مستقبل کی حتمی ضمانت ثابت ہوگا۔

سابق وزیرِ خارجہ نے اس تاریخی پیش رفت کو ممکن بنانے پر وزیرِ اعظم اور فیلڈ مارشل کا شکریہ ادا کرتے ہوئے ان کے کردار کو سراہا۔ انہوں نے زور دیا کہ یہ دفاعی معاہدہ نہ صرف تینوں مسلم ممالک کے مفادات کا تحفظ کرے گا بلکہ خطے اور عالمی امن کے لیے بھی ایک تاریخی اور تحریری دستاویز ثابت ہوگا۔