دکانداروں کیلئے آسان ٹیکس سکیم ایپ آپریشنل ہوچکی ہے: بلال اظہر کیانی

وزیرِ مملکت برائے خزانہ و ریلوے بلال اظہر کیانی نے کراچی چیمبر آف کامرس اینڈ انڈسٹری (KCCI) کا دورہ کیا، جہاں انہوں نے تاجر و صنعت کار برادری کے نمائندوں اور کراچی، حیدرآباد اور سکھر کی تاجر تنظیموں سے تفصیلی ملاقات کی۔ اس موقع پر تاجروں کو نئی ‘آسان ٹیکس سکیم’ اور موبائل ایپ سے متعلق جامع بریفنگ دی گئی۔ بلال اظہر کیانی نے بتایا کہ تاجروں کے دیرینہ مطالبے پر یہ ایپ آپریشنل کر دی گئی ہے، جس میں تاجروں کی سہولت کے لیے اردو زبان میں سادہ فارم شامل کیا گیا ہے اور ملک بھر میں ایف بی آر کے فوکل پرسنز بھی مقرر کر دیے گئے ہیں۔ انہوں نے واضح کیا کہ اس سکیم کے تحت دکانداروں کو مال کی فروخت پر ایک فیصد ٹیکس ادا کرنا ہوگا اور ان کے بلوں میں کٹنے والے ٹیکس کو ایڈجسٹ کیا جائے گا۔