یوکرینی میزائل حملے میں 6 شہری ہلاک، 14 سالہ بچے سمیت 4 زخمی

روس کے سرحدی ریجن بیلگورود کے گاؤں کولوسکووو پر یوکرینی افواج کے میزائل حملے کے نتیجے میں 6 شہری ہلاک جبکہ ایک 14 سالہ بچے سمیت 4 افراد زخمی ہو گئے ہیں۔ بیلگورود کے قائم مقام گورنر الیگزینڈر شووائیف کے مطابق حملے کی وجہ سے ایک عمارت مکمل طور پر تباہ اور گاڑیوں کو شدید نقصان پہنچا۔ روسی تحقیقاتی کمیٹی کی ترجمان سویتلانا پیٹرینکو نے واقعے پر دہشت گردی کے تحت فوجداری مقدمہ درج کر کے تحقیقات کا آغاز کر دیا ہے تاکہ استعمال ہونے والے میزائل کی نوعیت اور ذمہ داروں کا تعین کیا جا سکے۔