چیئرمین پی ٹی آئی بیرسٹر گوہر کا 27ویں آئینی ترمیم کی مخالفت کا اعلان

چیئرمین پاکستان تحریکِ انصاف بیرسٹر گوہر علی نے لاہور ہائیکورٹ میں میڈیا سے گفتگو کرتے ہوئے کہا ہے کہ پارٹی 27ویں آئینی ترمیم کی مخالفت کرے گی۔ ان کا کہنا تھا کہ ابھی تک اس ترمیم کا ڈرافٹ سامنے نہیں آیا، اس لیے اس کے مندرجات کے بارے میں واضح معلومات نہیں ہیں۔

بیرسٹر گوہر نے کہا کہ صوبائی خودمختاری کو کسی صورت نہیں چھیڑا جانا چاہیے، صوبوں نے اپنے رولز اور نظام خود وضع کیے ہیں، ان میں غیر ضروری مداخلت درست نہیں۔

انہوں نے انکشاف کیا کہ 26ویں آئینی ترمیم کے وقت بھی جو ڈرافٹ پی ٹی آئی کے ساتھ شیئر کیا گیا تھا، وہ بعد میں تبدیل کر دیا گیا، جس پر انہوں نے مولانا صاحب کو بھی آگاہ کیا تھا۔

بیرسٹر گوہر نے مزید کہا کہ پنجاب حکومت کے پاس اربوں روپے کا بجٹ موجود ہے، اسے عوامی فلاح اور ترقیاتی منصوبوں پر خرچ کیا جانا چاہیے۔

انہوں نے یہ بھی بتایا کہ پارٹی قیادت بانی پی ٹی آئی کی رہائی کے لیے عدالتوں سے رجوع کر رہی ہے اور قانونی راستے سے انصاف کے حصول کی جدوجہد جاری رکھے گی۔

چیئرمین پی ٹی آئی بیرسٹر گوہر کا 27ویں آئینی ترمیم کی مخالفت کا اعلان

Web Desk

متعلقہ عنوانات

اسرائیل کی سفاکیت کم نہ ہوئی، ڈرون حملے میں مزید 2 فلسطینی شہید، متعدد زخمی

یورپ میں شدید گرمی کی لہر برقرار، اموات 4 ہزار سے تجاوز کر گئیں

عمران خان کی اہلیہ نے اپنے شوہر کے خلاف قتل کا مقدمہ درج کروا دیا

اسرائیلی فوج کے سربراہ کا لبنان میں فیصلہ کن کارروائیاں جاری رکھنے کا اعلان

مفاہمتی یادداشت پر عملدرآمد مشکل ضرور ہے لیکن ناممکن نہیں، باقر قالیباف

کوئی بھی ادارہ قانون کے عطا کردہ اختیارات سے تجاوز نہیں کرسکتا، وفاقی ٹیکس محتسب

شہر قائد میں پولیس اہلکاروں کی فائرنگ سے 2 نوجوان زخمی

شاہراہ قراقرم ایک بار پھر بند ہوگئی