سہیل آفریدی دہشت گردوں کی پشت پناہی کرتے رہے، شواہد موجود ہیں: عقیل ملک

وزیرِ مملکت برائے قانون و انصاف بیرسٹر عقیل ملک نے دعویٰ کیا ہے کہ سہیل آفریدی کی جانب سے دہشت گردوں کی پشت پناہی کے ٹھوس شواہد موجود ہیں اور اس معاملے میں قانون کو فوری حرکت میں آنا چاہیے۔

میڈیا سے گفتگو کرتے ہوئے بیرسٹر عقیل ملک نے کہا کہ ایمرجنسی کے نفاذ کے حوالے سے آئین میں کوئی مخصوص ٹائم فریم مقرر نہیں ہے۔ انہوں نے انکشاف کیا کہ سہیل آفریدی اس وقت حفاظتی تحویل میں ہیں اور ان کا تمام متعلقہ ریکارڈ عدالت میں پیش کیا جائے گا۔ ایک سوال کے جواب میں انہوں نے کہا کہ وہ کسی شاہی مہمان خانے میں تو نہیں، تاہم کسی عمومی مہمان خانے میں ہو سکتے ہیں۔

بیرسٹر عقیل ملک نے 28ویں آئینی ترمیم کے حوالے سے گردش کرنے والی خبروں پر وضاحت کرتے ہوئے کہا کہ اس آئینی ترمیم پر تاحال باضابطہ طور پر کام شروع نہیں ہوا ہے۔