شفاف سر اور سبز آنکھوں والی نایاب مچھلی کی پہلی بار ویڈیو ریکارڈ

امریکی ریاست کیلیفورنیا کے ساحل کے قریب بحرالکاہل میں 1970 فٹ کی گہرائی میں سائنسدانوں نے شفاف سر اور روشن سبز آنکھوں والی انتہائی نایاب مچھلی ‘بیری آئی’ (سائنسی نام Macro-pinna Microstoma) کی اپنے قدرتی ماحول میں پہلی بار ہائی ڈیفینیشن ویڈیو ریکارڈ کر لی ہے۔ مونٹیری بے ایکویریم ریسرچ انسٹی ٹیوٹ کے ماہرین نے ریموٹ کنٹرولڈ زیرِ آب گاڑی کے ذریعے اس 6 انچ کی نایاب مچھلی کی مسلسل 20 منٹ تک ویڈیو بنائی۔ ماہرینِ سمیات کے مطابق گزری 4 دہائیوں میں یہ مچھلی صرف 10 بار ہی دیکھی جا سکی ہے، جس کا شفاف سر اور اندرونی سبز آنکھیں سمندری تحقیق کے میدان میں ایک غیر معمولی دریافت تصور کی جا رہی ہیں۔