بنگلادیش انتخابات: بی این پی اور جماعت اسلامی اتحاد میں تگڑا مقابلہ متوقع
Web Desk
9 February 2026
بنگلادیش میں 12 فروری کو ہونے والے 13ویں قومی پارلیمانی انتخابات کے لیے سیاسی درجہ حرارت بلند ہوگیا ہے، ایک تازہ عوامی سروے میں بی این پی اور بنگلادیش جماعتِ اسلامی کی قیادت میں قائم اتحاد کے درمیان سخت اور کانٹے دار مقابلے کی پیشگوئی کی گئی ہے۔
بنگلادیشی میڈیا کے مطابق سروے میں بنگلادیش نیشنلسٹ پارٹی (بی این پی) کی سربراہی میں قائم اتحاد کو 44.1 فیصد ووٹ ملنے کا امکان ظاہر کیا گیا ہے، جبکہ جماعتِ اسلامی کی قیادت میں 11 جماعتوں پر مشتمل انتخابی اتحاد کو 43.9 فیصد حمایت مل سکتی ہے۔
یہ سروے ملک بھر کے 63 ہزار 115 ووٹرز سے کیا گیا، جن میں 36 ہزار 634 مرد اور 26 ہزار 981 خواتین شامل تھیں۔ سروے کے مطابق 92 فیصد افراد نے ووٹ ڈالنے کے عزم کا اظہار کیا، جبکہ 4.4 فیصد نے ووٹ نہ دینے اور 2.5 فیصد نے تاحال فیصلہ نہ کرنے کا کہا۔
اگرچہ مجموعی ووٹوں میں بی این پی اتحاد کو معمولی برتری حاصل ہے، تاہم نشستوں کے اندازے کے مطابق جماعتِ اسلامی کی قیادت میں اتحاد بعض اہم حلقوں میں سبقت حاصل کیے ہوئے ہے۔ سروے کے مطابق جماعتِ اسلامی اتحاد کو 105 حلقوں میں واضح برتری مل سکتی ہے جبکہ بی این پی اتحاد کو 101 نشستوں پر یقینی سبقت حاصل ہونے کا امکان ہے۔
اس کے علاوہ 75 حلقوں میں سخت مقابلے کی توقع ظاہر کی گئی ہے جبکہ 19 حلقوں میں دیگر جماعتوں کے امیدوار کامیاب ہو سکتے ہیں۔
واضح رہے کہ پارلیمنٹ کی 300 نشستوں میں سے 151 پر کامیاب ہونے والی جماعت حکومت سازی کرسکے گی۔
متعلقہ عنوانات
بلوچستان کے ضلع خضدار اور گردونواح میں زلزلے کے جھٹکے، شدت 3.6 ریکارڈ
22 November 2026
پاک چین دوستی کا تاریخ ساز سنگِ میل ،شین زو-24کی لانچنگ کی مشق کامیابی سے مکمل
22 November 2026
پاکستان میں جوہری سلامتی پر عالمی اجلاس آج سے شروع ہوگا
22 November 2026
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم
22 November 2026
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026