بلوچستان اور شمالی علاقوں میں برف باری اور بارش کے بعد موسم شدید سرد، رابطے منقطع

ملک کے بالائی علاقوں میں بارش اور برف باری کے بعد موسم شدید سرد ہوگیا ہے۔۔چمن،قلعہ عبداللّٰہ اور زیارت سمیت بلوچستان کے بالائی اور پاک افغان سرحدی علاقوں میں نظامِ زندگی مفلوج ہے،زمینی رابطے منقطع ہیں۔۔توبہ اچکزئی اور توبہ کاکڑی سمیت درجنوں دیہات کے لوگ گھروں میں محصور ہیں۔۔راستوں کی بندش کے باعث خوراک اور ایندھن کی قلت پیدا ہوگئی ہے۔۔کنٹرول روم کے مطابق بعض علاقوں میں ریلیف کیلیے ہیلی کاپٹر ہی واحد ذریعہ ہے۔۔استور میں برف باری کے باعث بند رابطہ سڑکیں اب تک بحال نہیں ہوسکی ہیں۔۔آزاد کشمیر کی وادی نیلم میں برف باری کا سلسلہ تھم گیا تاہم نیلم میں مرکزی شاہراہ برفانی تودہ گرنے کے باعث تاحال تک بند ہے۔۔نکیال کے تیرہ دیہاتوں میں بجلی کی فراہمی معطل ہے۔۔مری میں سفید گالے پڑنے سے سیاحوں کی موج مستی بڑھ گئی۔۔