بلوچستان بلدیاتی انتخابات: 9 اگست کو مختلف وارڈز میں ہونے والی پولنگ ملتوی

صوبائی الیکشن کمیشن نے امن و امان کی بگڑتی ہوئی صورتحال کے پیش نظر بلوچستان کے مختلف اضلاع میں 9 اگست کو ہونے والے بلدیاتی انتخابات کے دوران متعدد وارڈز میں پولنگ ملتوی کرنے کا فیصلہ کر لیا ہے۔

الیکشن کمیشن کے جاری کردہ اعلامیے کے مطابق خضدار میونسپل کارپوریشن کے وارڈ نمبر 12، میونسپل کمیٹی قلات کے وارڈ نمبر 13، اور ضلع حب کی یونین کونسل نمبر 16 کے وارڈ نمبر 3 کے ساتھ ساتھ یونین کونسل نمبر 17 کے وارڈ نمبر 5 میں پولنگ آئندہ احکامات تک ملتوی رہے گی۔

الیکشن کمیشن حکام کا مزید کہنا تھا کہ سیکورٹی صورتحال کے باعث جن حلقوں میں پولنگ ملتوی کی گئی ہے، وہاں نئی تاریخوں کا اعلان حالات کا جائزہ لینے کے بعد بعد میں کیا جائے گا، جبکہ ان علاقوں میں آئندہ احکامات تک انتخابی عمل معطل رہے گا۔