بادامی باغ میں نامعلوم موٹرسائیکل سواروں کی فائرنگ، 2 پولیس اہلکار شہید

لاہور کے علاقے بادامی باغ میں نامعلوم موٹر سائیکل سواروں نے فائرنگ کر کے لاری اڈا پولیس اسٹیشن میں تعینات سب انسپکٹر عدیل اور کانسٹیبل اسد کو شہید کر دیا۔ پولیس کے مطابق سب انسپکٹر عدیل نے کچھ عرصہ قبل ایک پولیس مقابلے میں خطرناک شوٹر فیضان بٹ کو ہلاک کیا تھا، جس کے بعد اس کے بھائی اور مطلوب شوٹر ریحان بٹ نے بدلہ لینے کی رنجش میں دونوں اہلکاروں کو فائرنگ کا نشانہ بنایا۔ واقعے کے فوراً بعد پولیس اور فرانزک ٹیموں نے جائے وقوعہ پر پہنچ کر تمام تر شواہد اکٹھے کر لیے ہیں، جبکہ شہید اہلکاروں کی میتوں کو پوسٹ مارٹم کے لیے مردہ خانے منتقل کر دیا گیا ہے۔ پولیس نے ملزمان کی گرفتاری کے لیے تحقیقات اور چھاپوں کا سلسلہ شروع کر دیا ہے