باب المندب کے قریب کارگو جہاز پر حملہ، جاں بحق افراد کی تعداد 6 ہوگئی

یمنی کوسٹ گارڈ کے مطابق باب المندب کی اہم بحری گزرگاہ کے قریب حوثیوں کی جانب سے ایک تجارتی کارگو جہاز کو نشانہ بنائے جانے کے نتیجے میں جاں بحق ہونے والوں کی تعداد بڑھ کر 6 ہو گئی ہے۔ رپورٹ کے مطابق ہلاک شدگان میں جہاز کا عملہ اور امدادی ٹیم کے اہلکار شامل ہیں۔ اس سے قبل ابتدائی حملے میں عملے کے 3 ارکان کی ہلاکت کی تصدیق ہوئی تھی جن میں 2 پاکستانی اور 1 انڈونیشین شہری شامل تھا۔ واضح رہے کہ باب المندب کی آبنائے بحیرہ احمر اور خلیجِ عدن کو ملانے والا انتہائی حساس اور اہم ترین سمندری راستہ ہے، جو ایشیا، مشرقِ وسطیٰ اور یورپ کے درمیان عالمی تجارت اور توانائی کی ترسیل کے لیے بنیادی حیثیت رکھتا ہے۔