عالمی ہوائی سفر مفلوج: مشرقِ وسطیٰ کے 7 ایئرپورٹس پر 9500 پروازیں منسوخ، کھربوں روپے کا نقصان

مشرقِ وسطیٰ میں جاری جنگی حالات کے باعث عالمی ایوی ایشن انڈسٹری کو حالیہ برسوں کا سب سے بڑا مالی جھٹکا لگا ہے۔ ایوی ایشن ذرائع کے مطابق، فضائی حدود کی بندش سے اب تک مجموعی طور پر 2 کھرب 15 ارب روپے سے زائد کا ریونیو ضائع ہو چکا ہے۔ گزشتہ چار دنوں میں خطے کے سات بڑے ہوائی اڈوں سے 9 ہزار 500 پروازیں منسوخ کی گئی ہیں۔ ماہرین کا کہنا ہے کہ اگر صورتحال جلد معمول پر نہ آئی تو کئی ایئرلائنز کا بزنس مکمل طور پر ٹھپ ہونے کا خدشہ ہے۔