فیفا ورلڈ کپ: آسٹریلیا نے ترکیہ کو 2 صفر سے شکست دے دی

فیفا ورلڈ کپ کے تیسرے روز کھیلے گئے چوتھے میچ میں آسٹریلیا نے عمدہ کھیل پیش کرتے ہوئے ترکیہ کو دو صفر سے شکست دے دی۔

میچ کے آغاز سے ہی آسٹریلوی ٹیم نے جارحانہ انداز اپنایا اور حریف ٹیم پر دباؤ برقرار رکھا۔ آسٹریلیا کو پہلی کامیابی ستائیسویں منٹ میں ملی جب نیسٹوری نے خوبصورت گول اسکور کرکے اپنی ٹیم کو برتری دلائی۔

پہلے ہاف کے اختتام تک آسٹریلیا کو ایک صفر کی برتری حاصل رہی، جبکہ دوسرے ہاف میں بھی اس کی ٹیم نے کھیل پر گرفت مضبوط رکھی۔

میچ کے پچھترویں منٹ میں میٹ کاف نے دوسرا گول کرکے آسٹریلیا کی کامیابی یقینی بنا دی۔ ترکیہ کی ٹیم مقررہ وقت میں کوئی گول نہ کرسکی اور اسے دو صفر سے شکست کا سامنا کرنا پڑا۔

اس سے قبل کھیلے گئے ایک اور مقابلے میں اسکاٹ لینڈ نے ہیٹی کو ایک صفر سے شکست دے کر اہم کامیابی حاصل کی تھی۔