ایشین گیمز کیلئے جاپان کے شہر ناگویا میں فلوٹنگ ویلیج قائم

جاپان کے شہر ناگویا میں آئندہ ایشین گیمز کے انعقاد کے لیے ایک منفرد ‘فلوٹنگ ویلیج’ (Floating Village) قائم کر دیا گیا ہے۔ کھلاڑیوں اور آفیشلز کی رہائش کے لیے ‘کوسٹا سیرینا’ (Costa Serena) نامی اطالوی کروز کا انتخاب کیا گیا ہے، جہاں تقریباً 14 ہزار ایتھلیٹس اور سپورٹنگ اسٹاف کے قیام کا باقاعدہ انتظام کیا گیا ہے۔ اس کروز یعنی فلوٹنگ ویلیج میں ایتھلیٹس کی سہولت کے لیے جدید جم، میوزک رومز اور دیگر تفریحی و ورزشی سہولیات فراہم کی گئی ہیں۔ واضح رہے کہ ایشین گیمز کا باقاعدہ آغاز 19 ستمبر سے ہو رہا ہے۔

دوسری جانب، پاکستان اولمپک ایسوسی ایشن (POA) پہلے ہی افتتاحی تقریب کے لیے قومی پرچمداروں کے ناموں کا اعلان کر چکی ہے، جس کے تحت اسکواش پلیئر نور زمان اور ویمنز کرکٹ ٹیم کی کپتان فاطمہ ثنا پاکستان کا پرچم تھامیں گے۔ کھیلوں کے میدان سے ایک اور پیش رفت میں، پاکستان کی قومی ویمنز کرکٹ ٹیم آج ایشین گیمز کے کوارٹر فائنل میں تھائی لینڈ کے خلاف میدان میں اترے گی، جو پاکستانی وقت کے مطابق صبح 10 بجے کھیلا جائے گا۔