فیروز خان شاہ رخ خانے کے بیٹے آریان خان کی ویڈیو پر جذباتی پیغام

پاکستانی اداکار فیروز خان نے بالی وڈ اداکار شاہ رخ خان کے بیٹے آریان خان کی ایک ویڈیو شیئر کرتے ہوئے مداحوں کی توجہ حاصل کر لی ہے۔
تفصیلات کے مطابق فیروز خان نے اپنے سوشل میڈیا اکاؤنٹ پر آریان خان کی ایک ویڈیو شیئر کی جس میں وہ اپنے دوست کی شادی کی تقریبات میں خوشی اور دوستانہ ماحول میں شریک نظر آ رہے ہیں۔
ویڈیو میں آریان خان کو روایتی جوتا چھپائی کی رسم میں خوشگوار انداز میں حصہ لیتے ہوئے دیکھا گیا، جس پر فیروز خان نے ان کے رویے کو سراہا۔
اداکار نے اپنے پیغام میں کہا کہ زندگی کا اصل حسن اپنے دوستوں اور خاندان کے ساتھ خوشیوں کو بانٹنے میں ہے اور کامیابی کے بعد بھی رشتوں کو مضبوط رکھنا چاہیے۔
فیروز خان کے اس پیغام کو مداحوں نے خوب پسند کیا ہے اور سوشل میڈیا پر ان کے خیالات کو مثبت اور متاثر کن قرار دیا جا رہا ہے۔