عارف حبیب لمیٹڈ کا پی آئی اے کے بقیہ 25فیصدحصص خریدنےکا باضابطہ اعلان، نجکاری کمیشن کونوٹس موصول

عارف حبیب لمیٹڈ نے  پی آئی اے کے بقیہ 25 فیصد حصص خریدنے کا باضابطہ اعلان کردیا۔نجکاری کمیشن کو باقی ماندہ حصص کے حصول کے لیے ارادے کا نوٹس موصول ہوگیا۔

عارف حبیب لمیٹڈ  کی قیادت میں قائم کنسورشیم نے نجکاری کمیشن کو آگاہ کیا۔جس کے مطابق کنسورشیم پی آئی اے کے باقی 25 فیصد ایکویٹی حصص خریدنے کا ارادہ رکھتا ہے۔اس نتیجے میں قومی ایئرلائن مکمل طور پر نجی شعبے کے کنٹرول میں آ جائے گی

نجکاری کمیشن کے اعلامیے کے مطابق پی آئی اے کا مینجمنٹ کنٹرول 25 مئی 2026 تک منتقل کیے جانے کی توقع ہے۔۔یہ عمل معاہدے کی شرائط کے مطابق مکمل کیا جائے گا۔

اعلامیےمیں کہاگیاہے کہ معاہدے کے تحت نجی شعبے کی کل سرمایہ کاری تقریباً 180 ارب روپے متوقع ہے۔۔ان میں سے کم از کم 55 ارب روپے حکومت کو بطور نجکاری رقم ادا کیے جائیں گےجبکہ 125 ارب روپے بطور نئی ایکویٹی پی آئی اے میں شامل کیے جائیں گے۔