حوثیوں کا سعودی خام تیل کے ٹرانسپورٹ انفرااسٹرکچر کو نشانہ بنانے کا دعویٰ

یمن کی حوثی اکثریتی تنظیم انصار اللہ نے سعودی عرب کے ساحلی شہر ینبع میں خام تیل کی سپلائی اور ٹرانسپورٹ انفراسٹرکچر کو نشانہ بنانے کا دعویٰ کیا ہے۔ برطانوی خبر رساں ادارے کی رپورٹ کے مطابق انصار اللہ کے ترجمان نے بیان دیتے ہوئے کہا کہ ینبع میں تیل کی تنصیبات پر یہ حملہ سعودی ڈرونز کی جانب سے یمن کی فضائی حدود کی مسلسل خلاف ورزی کے ردِعمل میں کیا گیا۔ انہوں نے واضح کیا کہ حوثی جنگجوؤں کی جانب سے یہ اقدام سعودی کارروائیوں کا جواب ہے، جبکہ اس حملے کے بعد خطے میں کشیدگی اور تیل کی نقل و حمل سے متعلق خدشات میں مزید اضافہ ہو گیا ہے۔