اینڈی برنہم نے برطانیہ کے 59ویں وزیر اعظم کا عہدہ سنبھال لیا

برطانیہ میں سیاسی قیادت کی ایک اور بڑی تبدیلی کے بعد لیبر پارٹی کے 56 سالہ رہنما اینڈی برنہم نے باضابطہ طور پر ملک کے نئے وزیراعظم کا عہدہ سنبھال لیا ہے۔ کیئر اسٹارمر کے مستعفی ہونے کے بعد شاہ چارلس سوم نے بکنگھم پیلس میں اینڈی برنہم سے ملاقات کے بعد انہیں نئی حکومت تشکیل دینے کی باضابطہ دعوت دی، جس کے ساتھ ہی اقتدار کی منتقلی کا آئینی عمل یعنی ’کِسنگ ہینڈز‘ کی روایت مکمل ہو گئی۔ اس تبدیلی کے بعد اینڈی برنہم گزشتہ 10 برسوں میں برطانیہ کے 7 ویں وزیراعظم بن گئے ہیں۔ ڈاؤننگ اسٹریٹ سے قوم سے اپنے پہلے خطاب میں انہوں نے ملک کے لیے اپنے مستقبل کے وژن کا خاکہ پیش کیا، جبکہ مستعفی وزیراعظم کیئر اسٹارمر نے الوداعی تقریر میں معاشی ترقی اور امیگریشن میں کمی کو اپنی حکومت کی اہم حاصلات قرار دیتے ہوئے نئے وزیراعظم کے لیے مکمل حمایت کا اظہار کیا۔