الجزائر میں بس کھائی میں گرنے سے 25 افراد ہلاک، درجنوں زخمی

شمالی افریقی ملک الجزائر کے صوبہ بومرداس میں مسافر بس کھائی میں گرنے سے 25 افراد ہلاک جبکہ 44 افراد شدید زخمی ہو گئے ہیں۔ عرب میڈیا کی رپورٹ کے مطابق یہ دردناک حادثہ اس وقت پیش آیا جب مسافر بس ہائی وے پر موڑ کاٹتے ہوئے بے قابو ہو کر سڑک کے کنارے گہری کھائی میں جا گری۔ حادثے کی اطلاع ملتے ہی امدادی ٹیموں نے فوری طور پر موقع پر پہنچ کر لاشوں اور زخمیوں کو کھائی سے نکال کر مقامی اسپتالوں میں منتقل کر دیا ہے، جہاں بعض زخمیوں کی حالت تشویشناک بتائی جاتی ہے۔