علیمہ خان کے ناقابلِ ضمانت وارنٹ گرفتاری چھٹی بار جاری

انسدادِ دہشت گردی کی عدالت راولپنڈی نے 26 نومبر احتجاج کیس میں علیمہ خان کے ناقابلِ ضمانت وارنٹ گرفتاری چھٹی بار جاری کر دیے۔

پولیس نے وارنٹ پر عملدرآمد اور گرفتاری کے لیے خصوصی ٹیم تشکیل دے دی ہے۔ ایس ڈی پی او سٹی اظہر شاہ ٹیم کی قیادت کریں گے۔ذرائع کے مطابق پولیس کی خصوصی ٹیم کچھ دیر میں اڈیالہ جیل روانہ ہوگی تاکہ وارنٹ کی تعمیل سے متعلق کارروائی مکمل کی جا سکے۔واضح رہے کہ علیمہ خان کے خلاف 26 نومبر احتجاج کیس میں پہلے بھی متعدد بار وارنٹ گرفتاری جاری کیے جا چکے ہیں، تاہم اب تک ان پر عملدرآمد نہیں ہو سکا۔