بانی پی ٹی آئی کو قیدِ تنہائی میں رکھ کر کچھ کھلایا جا رہا ہے جس سے کلاٹنگ ہوئی، بینائی بھی متاثر؛ علیمہ خان
Web Desk
20 May 2026
بانی پی ٹی آئی کی ہمشیرہ علیمہ خان نے اپنے بھائی کی صحت اور جیل مینوئل کے حوالے سے انتہائی سنگین خدشات کا اظہار کرتے ہوئے وفاقی حکومت اور جیل انتظامیہ پر کڑی تنقید کی ہے۔ اڈیالہ جیل کے باہر میڈیا سے گفتگو کرتے ہوئے انہوں نے انکشاف کیا کہ بانی چیئرمین جیل میں مکمل صحت مند تھے، تو پھر اچانک ان کو خون کا کلاٹ (خون جمنا) کیسے آیا؟ ہمیں نہ تو ان کی کوئی میڈیکل رپورٹ دکھائی گئی ہے اور نہ ہی اس ڈاکٹر سے ملوایا گیا ہے جس نے ان کا علاج کیا۔
علیمہ خان نے خدشہ ظاہر کرتے ہوئے کہا کہ ہو سکتا ہے بانی پی ٹی آئی کو جیل میں کچھ ایسا کھلایا جا رہا ہے جس کی وجہ سے جسم میں کلاٹنگ ہو رہی ہے۔ انہوں نے بتایا کہ بانی نے خود ہمیں مطلع کیا ہے کہ ڈاکٹر عادل نے انہیں معائنے کے بعد کہا تھا کہ ان کی 85 فیصد بینائی جا چکی ہے جو اب واپس نہیں آ سکتی۔ ان کا کہنا تھا کہ ہمیں یہ صورتحال کسی صورت قبول نہیں ہے، انہیں باقاعدہ قیدِ تنہائی میں رکھا گیا ہے اور یہ سب جانتے ہیں کہ ایک خوفزدہ انسان ہی گولی چلاتا ہے۔ اپنے ساتھ پیش آنے والے واقعے کا ذکر کرتے ہوئے علیمہ خان نے بتایا کہ گزشتہ دنوں پولیس مجھے بھی زبردستی اٹھا کر لے گئی تھی، تاہم وزیر اعلیٰ خیبر پختونخوا سہیل آفریدی نے جب اس پر شدید شور مچایا تو پھر انہوں نے مجھے گاڑی سے اتارا۔
انہوں نے ملک کے عدالتی نظام میں کی جانے والی حالیہ تبدیلیوں پر بات کرتے ہوئے کہا کہ پورا عدالتی نظام صرف اس لیے بدلا جا رہا ہے تاکہ بانی پی ٹی آئی کا مقدمہ نہ لگ سکے۔ یہ حکمران چاہتے ہیں کہ بانی کا کیس ہر صورت مجوزہ آئینی عدالت میں جائے۔ علیمہ خان نے کہا کہ سائفر کیس کے بعد ہمارا فخر آسمان تک پہنچ گیا ہے اور ہمیں اپنے بھائی پر ناز ہے جس نے اپنے آپ کو مثال بنا کر قوم کو بتا دیا کہ ‘آزادی یا موت’۔ اس سائفر کے بعد اب سب کو اچھی طرح معلوم ہے کہ آرٹیکل 6 (سنگین غداری) کا اطلاق کس پر ہونا چاہیے۔
انہوں نے وکلا برادری اور بار ایسوسی ایشنز کی خاموشی پر بھی گہرے دکھ کا اظہار کیا اور سوال اٹھایا کہ وکلا کی بار ایسوسی ایشنز اس وقت کیا کر رہی ہیں؟ کیا ان کو نظر نہیں آ رہا کہ پاکستان کے ساتھ کتنا غلط ہو رہا ہے؟ انہوں نے وکلا کو یاد دلایا کہ سال 2007 کی تاریخی تحریک میں پوری پاکستانی قوم نے آپ کا ساتھ دیا تھا، تو پھر آج ملک کے آئین اور قانون کی پامالی پر آپ سب خاموش کیوں ہیں؟ اب وقت آ گیا ہے کہ سب ملکی سالمیت کے لیے آواز اٹھائیں
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026