علیمہ خان کا عمران خان سے ملاقات کیلئے آج دوبارہ اڈیالہ جیل جانے کا اعلان

پاکستان تحریک انصاف کے بانی عمران خان کی بہن علیمہ خان نے آج ایک بار پھر اپنے بھائی سے ملاقات کے لیے اڈیالہ جیل جانے کا اعلان کر دیا ہے۔

علیمہ خان کا کہنا ہے کہ وہ عمران خان سے ملاقات کے لیے اڈیالہ جیل جائیں گی اور ملاقات نہ کرائے جانے کی صورت میں وہ وہیں بیٹھیں گی۔

انہوں نے واضح کیا کہ اگر ملاقات کی اجازت نہ دی گئی اور ان پر پانی پھینکا گیا تب بھی وہ اپنے مؤقف اور مقصد سے پیچھے نہیں ہٹیں گی۔

علیمہ خان نے کہا کہ بانی پی ٹی آئی کی ٹیم ہی ان کی اصل ٹیم ہے، جبکہ علیمہ خان گروپ اور بشریٰ بی بی گروپ سے متعلق باتیں محض پروپیگنڈا ہیں۔

یاد رہے کہ وفاقی وزیر اطلاعات عطا تارڑ نے پی ٹی آئی قیادت کو اپنے بانی سے ملاقات کرانے کی اجازت دینے کا عندیہ دیا ہے۔

عطا تارڑ کا کہنا تھا کہ وزیراعلیٰ سہیل آفریدی کے رویے میں بہتری آئی ہے اور اگر پی ٹی آئی قیادت جیل مینول کی پابندی کرے تو بانی پی ٹی آئی سے ملاقات ممکن ہو سکتی ہے۔