اکشے کمار کی ممبئی میں آنکھوں کی سرجری، کام سے وقفہ لینے کا فیصلہ

58 سالہ بالی ووڈ اسٹار اکشے کمار کی بدھ کی صبح ممبئی میں نظر کی درستگی کے لیے ایک معمولی سرجری کی گئی۔ ذرائع کے مطابق، اداکار نے اپنی آنے والی فلم کا شوٹنگ شیڈول مکمل کرنے کے بعد اس سرجری کے لیے وقت نکالا ہے۔ سرجری کے بعد ڈاکٹروں نے انہیں چند روز آرام کا مشورہ دیا ہے، جس کے بعد وہ دوبارہ سیٹ پر واپسی کریں گے۔ واضح رہے کہ سال 2026 اکشے کمار کے لیے اب تک انتہائی مصروف رہا ہے، جہاں انہوں نے اپنی فلم ‘بھوت بنگلہ’ کی کامیابی کے بعد نئی فلموں پر کام شروع کر رکھا ہے۔