یمن کی حدیدہ بندرگاہ پر متعدد حملے، کمران جزیرے کو بھی نشانہ بنایا گیا

یمن کے ساحلی شہر حدیدہ کی بندرگاہ پر متعدد فضائی حملے ہوئے ہیں۔ یمن کی حوثی تحریک سے وابستہ ٹی وی چینل ‘المسیرہ’ نے دعویٰ کیا ہے کہ سعودی جنگی طیاروں نے مغربی یمن کے ساحلی شہر حدیدہ اور کمران جزیرے پر ایئر اسٹرائیکس کی ہیں۔ رپورٹ کے مطابق ان حملوں سے ایک روز قبل حوثی اکثریتی جماعت انصاراللہ نے بحیرہ احمر میں سعودی عرب کے دو آئل ٹینکرز کو نشانہ بنایا تھا۔ تاہم، ان تازہ فضائی حملوں سے متعلق سعودی حکام کی جانب سے ابھی تک کسی قسم کی باقاعدہ تصدیق یا تردید سامنے نہیں آئی ہے۔