پاکستانی فضائی حدود کی بندش بھارتی ایئر لائنز کیلئے بڑا دھچکا

بھارت کی ناکام خارجہ اور دفاعی حکمت عملی اور پاکستان کے ساتھ تنازع کے نتیجے میں پاکستانی فضائی حدود کی مسلسل بندش نے بھارتی ایوی ایشن سیکٹر کو شدید معاشی تباہی کے دہانے پر دھکیل دیا ہے۔ بین الاقوامی خبر رساں ایجنسی ‘فلائٹ گلوبل’ کی رپورٹ کے مطابق 31 مارچ کو ختم ہونے والے مالی سال کے دوران بھارت کی قومی ایئرلائن ‘ایئر انڈیا’ کو 2.3 ارب ڈالر کا ریکارڈ خسارہ برداشت کرنا پڑا ہے۔ ایئر انڈیا انتظامیہ نے خسارے کی بنیادی وجہ پاکستانی فضائی حدود کا استعمال نہ ملنے کو قرار دیا ہے، جس کے باعث مغربی ممالک کے روٹس طویل ہونے سے ایندھن اور آپریشنل اخراجات میں بے پناہ اضافہ ہوا۔ ایوی ایشن ماہرین کے مطابق اس بندش کے باعث روزانہ 400 سے 500 بھارتی پروازیں متاثر ہو رہی ہیں، جبکہ خطے میں تناؤ اور ایندھن کی بڑھتی قیمتوں نے بحران کو مزید سنگین بنا دیا ہے۔