فرانسیسی ایئرلائن نے مشرق وسطیٰ کی پروازیں منسوخ کر دیں

امریکا اور ایران کے درمیان بڑھتی ہوئی شدید کشیدگی کے باعث فرانسیسی ایئر لائن (ایئر فرانس) نے مشرقِ وسطیٰ کی مختلف پروازوں کی معطلی میں توسیع کا نیا نوٹیفکیشن جاری کر دیا ہے۔ غیر ملکی خبر ایجنسی کے مطابق ایئر لائن کا کہنا ہے کہ سعودی عرب کے دارالحکومت ریاض کے لیے پروازیں 24 جولائی تک معطل رہیں گی۔ اس کے علاوہ دبئی جانے والی پروازوں کی معطلی 27 جولائی تک برقرار رہے گی، جبکہ لبنان کے دارالحکومت بیروت کے لیے پروازوں کی منسوخی میں 2 اگست تک توسیع کر دی گئی ہے۔ ایئر لائن نے سکیورٹی خدشات کو مدنظر رکھتے ہوئے مسافروں کی حفاظت کے لیے یہ اقدام اٹھایا ہے۔