پنجاب میں مقامی معززین پر مشتمل مسجد مینجمنٹ کمیٹیوں کے قیام پر اتفاق

پنجاب حکومت نے صوبے بھر میں مساجد کے بہتر انتظام و انصرام کے لیے مقامی معززین پر مشتمل مؤثر مسجد مینجمنٹ کمیٹیوں کے قیام پر اتفاق کر لیا ہے۔

وزیراعلیٰ مریم نواز کی ہدایت پر آئمہ کرام کے وظائف کی فوری ادائیگی یقینی بنانے کے احکامات جاری کر دیے گئے ہیں۔
ذرائع کے مطابق آئمہ کرام کی رجسٹریشن کے لیے فارم کی تشکیل آخری مراحل میں داخل ہو چکی ہے، جس کے بعد وظائف کی ادائیگی کا عمل آئندہ چند ہفتوں میں شروع ہو جائے گا۔وزیراعلیٰ پنجاب کی ہدایت پر ہر تحصیل آفس میں آئمہ کرام کی رجسٹریشن کے لیے خصوصی کاؤنٹر قائم کر دیے گئے ہیں۔یہ اسپیشل کاؤنٹرز اسسٹنٹ کمشنر آفسز میں قائم کیے گئے ہیں، جہاں رجسٹریشن فارموں کی پراسیسنگ کی جائے گی۔سرکاری ذرائع کے مطابق یہ اقدام ریاست اور مذہبی قیادت کے درمیان رابطوں کے فروغ، آئمہ کرام کی فلاح و بہبود اور مساجد کے انتظامی نظام کو شفاف بنانے کی سمت اہم پیش رفت ہے