وقت آگیا ہے کہ امت مسلمہ اپنی طاقت پر بھروسہ کرے، ایرانی وزیر خارجہ

ایران کے وزیرِ خارجہ عباس عراقچی نے مسلم دنیا پر زور دیا ہے کہ اب وقت آ گیا ہے کہ امتِ مسلمہ کسی غیر ملکی طاقت پر تکیہ کرنے کے بجائے اپنی ذاتی طاقت اور صلاحیتوں پر بھروسہ کرے۔ اپنے ایک بیان میں ایرانی وزیرِ خارجہ نے دعویٰ کیا کہ ایرانی مسلح افواج نے دنیا کی طاقتور ترین فوج کے سامنے ڈٹ کر مقابلہ کرتے ہوئے اپنی حقیقی طاقت اور دفاعی صلاحیت کا لوہا منوایا ہے۔ عباس عراقچی کا مزید کہنا تھا کہ اگر تمام مسلم ممالک باہمی اختلافات بھلا کر متحد ہو جائیں تو کسی بھی بیرونی چیلنج اور جارحیت کا باآسانی مقابلہ کیا جا سکتا ہے۔ انہوں نے مسلمانوں کے درمیان حقیقی بھائی چارے اور اتحاد کو فروغ دینے کی ضرورت پر بھی زور دیا۔