یکم جنوری کو ملک بھر میں بینک عوامی لین دین کیلئے بند رہیں گے، اسٹیٹ بینک

اسٹیٹ بینک آف پاکستان نے اعلان کیا ہے کہ یکم جنوری 2026 بروز جمعرات کو ملک بھر میں تمام بینک عوامی لین دین کے لیے بند رہیں گے۔

اسٹیٹ بینک کے جاری کردہ اعلامیے کے مطابق بینک تعطیل کے باعث تمام کمرشل بینک، ترقیاتی مالی ادارے اور مائیکروفنانس بینک عوام سے لین دین انجام نہیں دیں گے۔

تاہم اعلامیے میں واضح کیا گیا ہے کہ بینکوں، ترقیاتی مالی اداروں اور مائیکروفنانس بینکوں کے ملازمین حسبِ معمول اپنے دفاتر میں حاضر ہوں گے اور داخلی امور سرانجام دیتے رہیں گے۔

اسٹیٹ بینک کے مطابق بینک تعطیل کا اطلاق صرف عوامی لین دین پر ہوگا جبکہ اندرونی بینکاری سرگرمیاں معمول کے مطابق جاری رہیں گی۔