سابق گورنرسٹیٹ بینک ڈاکٹر شمشاد اختر کی نمازِ جنازہ ادا، سپردِ خاک

سابق گورنر اسٹیٹ بینک آف پاکستان اور چیئرپرسن پاکستان اسٹاک ایکسچینج ڈاکٹر شمشاد اختر کی نمازِ جنازہ ادا کر دی گئی۔ نمازِ جنازہ کراچی کے علاقے ڈیفنس میں واقع سلطان مسجد میں ادا کی گئی۔

نمازِ جنازہ میں پاکستان اسٹاک ایکسچینج کے ڈائریکٹر احمد چنائے، اسٹیٹ بینک کے ڈپٹی گورنر ڈاکٹر عنایت حسین، ڈاکٹر سلیم اللہ، مختلف بینکوں اور مالیاتی اداروں کی اہم شخصیات نے شرکت کی۔

اس موقع پر مشیرِ خزانہ خیبرپختونخوا مزمل اسلم، پاکستان اسٹاک ایکسچینج کے منیجنگ ڈائریکٹر فرخ حسین سبزواری سمیت معروف کاروباری اور سماجی شخصیات بھی موجود تھیں۔

شرکاء نے ڈاکٹر شمشاد اختر کی ملکی معیشت اور مالیاتی نظام کے لیے خدمات کو خراجِ تحسین پیش کیا اور مرحومہ کے درجات کی بلندی کے لیے دعا کی۔